Hødd pleier alltid å starte i ein 4-3-3, eller 4-5-1 ved behov for meir defensiv kraft. Men ikkje i dag. Utan Joachim Magnussen vel Steinar Lein i staden ein klassisk 4-4-2-formasjon. Kaptein Joakim Wrele er tilbake frå karantene og klar til kamp, og Sondre Beite er tilbake frå skade og med på benken. Magnussen er ute med tre gule kort.
Hødd-trenaren: – Det har vore eit tungt år
(for abonnenter) Hødd (4-4-2): Urke – Aasbak, Moltu, Wembangomo, Mensah – Sereba, Wrele Torset , Sjølstad – Shroot, Kallevåg
Benken: Pieroth, Törnqvist, Hatakka, Rise, Heltne, Vestvatn, Beite
Hødd har gjort det åtte gongar før i år: vunne på heimebane. Om Hødd slår Strømmen reddar dei plassen i førstedivisjon, dersom Ull/Kisa og Bryne avgir poeng. Hødd ligg på 12. plass, den siste plassen som gir billett til førstedivisjon 2017. Det er i praksis tre andre lag som også konkurrerer om å vere den som klarer å halde hovudet over nedrykkstreken.
Fredrikstad ligg to poeng føre Hødd på tabellen. Rekneskapen for dei tre siste kampane er 1 poeng og -7 i målskilnad.
Bryne ligg tre poeng bak Hødd, med betre målskilnad. Dei møter eit Sandefjord som kjempar om å vinne serien, på bortebane, og vil truleg ikkje ta med seg poeng i denne runda. Bryne og Fredrikstad møter kvarandre i neste og siste runde, så minst eitt av dei blir nøydd til å gi frå seg poeng der.
Ull/Kisa tar i mot middelhavsfarar Ranheim i denne nest siste runda. Heimelaget har tapt dei tre siste kampane, medan Ranheim har vunne sine siste tre. Dei møter femteplassen Kongsvinger borte i siste runde.
Så var det Hødd. I dei tre siste kampane har laget tatt 1 poeng, slept inn fem mål, og ikkje scora eit einaste eitt. Like fullt er Hødd det best heimelaget av disse fire nemnte, totalt i år.
Hødd møter Sandnes Ulf og toppscorar Pontus Engblom i neste og siste serierunde. Med bortekomplekset Hødd har slitt med i år, kan ingen rekne med poengfangst i Sandes. Dagens kamp mot Strømmen kan derfor komme til å by på redninga, taklinga eller målet som berger (eller senker) Hødd.
Strømmen (4-4-2): Omenåsa –Megalvis, Strømnes (C), Jahr, Lange – Achrifi, Rasch, Blårud, Øby – Brændsrød, Dernjani.
Benken: Melgalvis Bolstad, Bjørnevik, Nilsen, Rødsand, Aasen, Konate.