VALLE: Brevet er stila til «Kjære Energi— og miljøkomite!» og lyder slik:«Otteraaens Brugseierforening må ikkje få konsesjon for Brokke Sør og Nord! No må vi for all del byrje å prioritere bekjemping av eksisterande krypsivproblem i staden for å tillate forverra forhold i Otra i Valle kommune! Naturen vår er ikkje til sals! Naturen i Setesdal har blødt nok! Dette vedkjem so mange og betyr so mykje for oss som bur her. Tenk på at det er livsåra gjennom bygdi vår med det fantastiske kulturlandskapet som vi har i Valle. Vi må take vare på naturen for komande generasjonar! Vi må ikkje rasere den på dette viset! For all del. I 2002 engasjerte vi NIVA til å utarbeide tiltaksplan for fjerning av krypsiv gjennom Valle kommune (kr 150.000) og har brukt mykje av vår fritid til å jobbe med det enormt irriterande problemet. No prioriterer vi å jobbe med å få tilsett fiskebiolog for å verte betre rusta fagleg. Det er vår plikt å tak i dette problemet på alvor!Vi treng hjelp av dykk!»Brevet er signert Torjus Uppstad, formann i Otra Fiskelag i Valle. Det er og sendt kopi til ordførar Steinar Kyrvestad.