VALLE: I eit ekstraordinært møte i januar, vil kommunnestyret i Valle bli presenterte for planane som skal sikre vidare drift i alpinsenteret i Brokke i åra framover.
— Slik det ser ut nå, har vi både framskaffa nye midlar i tillegg til at det blir ei omstrukturering på eigarsida, seier Tarald Myrum (Sp), ordførar i Valle kommune.
Skisenteret i Brokke går for fullt denne vinteren, men det er takka vere ei midlertidig løysing der tidlegare dagleg leiar, Jan Wojtaszek, oppretta eit eige driftsselskap for å kunne få i gang trekket.
I tillegg har Valle kommune løyvd 690.000 kroner til det kommunale selskapet som eig sjølve skianlegget. Også dette var avgjerande for at skitrekket kunne starte opp denne sesongen.
I den samanheng protesterte Ap si gruppe i kommunestyret og kritiserte ei selskapsform der kommunen risikrerer å måtte punge ut når skisesongen sviktar.
Ifølgje Tarald Myrum, vil kommunen få ei mindre rolle i den nye eigarstrukturen, samstundes som utbyggingsselskapa i Brokke vil få hovudansvaret for alpinsenteret.