Også i den nye romanen, Jeg er din bøddel, går det viltert for seg. Eg-personen er ein mann i 50-årsalderen, skild, 2 barn — og tidlegare forretningsmann som har pengar i reserve. Handlinga, som forteljarteknisk er rotete, fører oss til den afrikanske landsbygda, til Italia, Egearhavet og norskekysten. Retrospektivt får vi innsyn i ein turbulent barndom i apartheidstaten Sør-Afrika, og utan å seie meir om det, i det same Sør-Asfrika endar romanen. Som ein kontrast til den virile, godt vaksne, mannlege hovudfiguren, har Brenning plassert den atskillig yngre Ami, som ( kanskje ) ikkje har den same erotiske appetitten. Det vert drukke tett, og 50-åringen manglar ikkje sengepartnarar, for å seie det varsamt. Men pornografi? Nei.
Romanen er på vel 400 sider, og hadde hatt godt av ei innstramming. Men, endå viktigare - ei opprydding. Tema; maskulin seksualitet, uro og rastløyse, ein slags fatalisme og sjølvsagt hemn, er spennande nok. Språket er sprelsk, spennande, ofte direkte rått, og bilderikt. Men handlinga er, som sagt, rotete.
Bjarne Tveiten
Maskulin seksualitet, uro og rastløyse
Bok
Alexander Brenning:
Jeg er din bøddel
Baskerville
Roman med sprelsk språk og rotete handling.